في ذكرى شخصية ” الطيب “

?باللسان الدارج

القصة كفن تا هي كاتطمح للتأثير وخلق القدوة فالمجتمع ومسلسل بنات العساس ، نجح فخلق قدوة ففترة كايعيش فيها المجتمع فعلا أزمة  داخل الأسر وكثر الطلاق بشكل كبير

من خلال نموذج شخصية ” الطيب” قدم المسلسل أدوات باش تكون إنسان محبوب وتجمع الشمل وتكون ” عزيزي ” لكل أفراد الاسرة ويذكروك فحظورك وفغيابك غير بالكلام الطيب والاحترام التام .

الصدق والوقار والتفهم وتقديم يد المساعدة والانصات والحديث الطيب ( حبيبتي ، بنتي ، لالة عيشة .. ) كلها عناوين لشخصية الطيب

مين بديت نتفرج فالمسلسل فهمت الأثر اللي تركوا موت الطيب ، حيث قلوب نساء المجتمع عطشانة لرجل رفيق مثل الطيب ، ووجوده فالمسلسل كان مثل تجسد لتمنيات جميع النساء . كذلك تعاطفاً مع عيشة وحنان فراه الطيب كان مثل المنقذ البطل بعدما ماتت الام وتسجن الأب ومن خلاله تعلموا وداروا مشاريعهم وبناو أسرهم ، كان على طول المسلسل بحال القنينة ديال الماء اللي كاتسقي وتقدم الحياة .

هاد اللقطة كمثال جات بعدما قالتليه عيشة أنها بغات تشوف قبر مها وتشوف البحر ( هادو حاجات ذاتية لعيشة ) ماكان عليه غير داها للمقبرة نفسات على خاطرها وتواصلت مع أمها المرحومة ، ومن بعد داها شافت البحر وفوجات ، عاطيها وقتو كامل وشاد الرضيعة فيديه كدليل على انه كايشاركها فحمل ما يمكن انه يثقل عليها . هادي كلها تفاصيل كاتوصل عاطفيا للمتلقي خصوصا النساء .

وبالتالي رسالة المسلسل عبر شخصية الطيب انه الرجولة هي المعاملة الطيية والحنية تجاه النساء وليس القسوة والتسلط